2020-miit 2030-mut innuttaasut amerlassusissaat (2050)

Innuttaasut amerlassusissaannut naatsorsuutit pineqartillugit eqqaamasariaqarpoq kisitsisinik paasissutissaliorneq nalinginnaasoq pineqanngimmat, kisiannili innuttaasunut naatsorsuutit kingulliit kiisalu ukiuni qaangiuttuni qulini misilittakkat aallaavigalugit naatsorsuutit inerneri pineqarmata. Tamannalu siunissami inuiaqatigiit agguataarneranni ineriartornermi; meeqqiortarnermi, toqusoqartarnerani, nunasisarnerni nuuttarnernilu (Kalaallit Nunaata nunallu allat akornanni) ilimagisanik ilaneqarpoq.

 

Innuttaasut annertussusaannik peqquteqartumik nalorninartoqartarnera annertuvoq, pingaartumik naatsorsuutit inernerinut annikitsukkaarlugit suliarineqarsimasunut. Siunissaq ungasinnerusoq eqqarsaatigalugu (ukiut 10+) inernerit pisussanik naatsorsuinertut isigineqassapput, ilimagisanut taakkartorneqartunut assinguneruleriartortussatut.

 

Naatsorsueqqissaartarfiup annikitsukkaartumik naatsorsuutit inernerinik saqqummiussiniarluni aalajangerneranut Kisitsisaataasivik aqqutigalugu naatsorsuutit atorfissaqartinneqartut ataatsimut tunngaveqarnissaat pissutaavoq.

 

Periaaseq naatsorsuinermilu tunngavigineqartut pillugit annertunerusumik paasissutissanut saqqummersitaq www.stat.gl/ben201804/o1 innersuussutigineqarpoq.